Welcome to WordPress.com. This is your first post. Edit or delete it and start blogging!
ان
فكرنا مليا في حياتنا فسنجلس مذهولين سنة كاملة عما يحدث .. واسألوا
أنفسكم .. لماذا أكذب ؟ لماذا أضايق من أعرفه ؟ لماذا لا أحتمل رفيقي في
محنته مهما كان ما بدر منه ؟ لماذا اؤذي الأخرين ؟ لماذا لا أساعد غيري فقد
أكون انا من أطلب المساعدة في يوم من الأيام ؟ لماذا ولماذا .. أسئلة
كثيرة لا يفكر أحدا في أجابة لها .. فالكل يفكر في نفسه أولا وأخيرا أيضا
.. فمتى ستتوقف عن النفكير في ذاتك فقط ؟ وتراعي الأخرين وتساعدهم ؟
متى
ستظل الحياة بهذا الشكل الكئيب ؟ أسنظل هكذا الى ان يأتي يوم القيامة ؟ أم
هناك حتى ولو بصيص من الأمل في هؤلاء البشر ؟ فضمير الأنسان يمكن ان يصحو
في اي لحظة .. وهذا ما أتمناه من كل قلبي
وهي
صرخة ألم من كل شخص تحولت دموعه من قطرات ندى الى أمطار غزيرة طيلة الفصول
الأربعة .. وأنا واحد منهم للأسف .. قد أكون قد حلمت من قبل بالمدينة
الفاضلة كثيرا وما تأكدت منه انها ستظل أسطورة وخيال في عقولنا فقط .. فبكل
أسف ننجرح طيلة الوقت ممن نحب .. على الأقل نكون متوقعين معاملة خاصة من
الأشخاص الذين قد حفرت أساميهم في فلوبنا ولكن نرى العكس تماما .. وماذا
بعد ذلك ؟ مجرد حياة لا طعم لها ..
لو
ظلت الفكرة الرئيسية المسيطرة على عقولنا هي ان مع زيادة عمرنا وتطور
حياتنا معناها زيادة مشاكلنا وهمومنا .. فلنجلس جميعا معا لأنتظار نهاية
العالم .. على الأقل سيكون الأنتظار هدفا وان يكون أساس حياتنا ..
لو
تطرقنا لنقطة أخرى وهي المقارنة بين حياتنا أيام الطفولة ومقارنتها
بحياتنا الآن .. فترة الطفولة وهي ما تسمى بفترة البراءة لا مثيل لها في
صفاء القلوب والحياة بشفافية بقلوب ناصعة البياض .. فأين تلك القلوب الآن ؟
ام ان مع تطور حياة الفرد وزيادة عمره اختفاءا لتلك القلوب ؟ والقلوب
البيضاء تبدأ في التحول الى الوان رمادية وسوداء!! ..
فلا
أريد أن أطيل عليكم حديثا .. أخيرا أقول من كل قلبي فلنرجع أطفالا مرة
أخرى قلبا .. وكبارا عقلا .. كي نعيش حياتا أفضل بدون أي مشاكل .. وفلنفكر
في غيرنا كثيرا مثلما نفكر في أنفسنا لتقل أنانيتنا حتى ولو قليل
فلتكن كلماتنا هي المنشفة التي تجفف دموع من نحب و ضوء الأمل والبهجة في قلب كل من نحب و نكون أفضل أمة عاشت على أرض الله ..
مع تمنياتي بأفضل حياة لكل من لديه قلبا ينبض بالأمل والحب
عشان مبقتش تفرق موضوع الطول دة
EgYpT
أولا أحب أقولكم أنكم وحشتوني موووت بجد
غبت عنكم فترة كدة بسبب أنتقالي لبيت تاني بس الحمد لله أخيرا رجعت وأتمنى تكونوا فاكريني وأتمنى كمان أنكم تكونوا بخير دائما
بما أني بعدت عن النت فترة .. فا الفترة دي فكرت كتيير جداا
فكرت في حياتي أولا وفي حاجات كتير جدااا منها مصر !!
هبدأ كلامي عن مصر عشان هو دة الأهم فكرت في حياتنا كمصريين ككجزء من العالم كله مش على المستوى العربي … طبعا في ناس غير العرب واخدين عننا فكرة مش لذيذة خالص وكل ما أكلم أي حد من برة الوطن العربي بتأكد من الموضوع دة
زي مثلا في واحدة من كندا كانت فاكرة أننا عايشين في بيوت من طين ! والجمل طبعا وسيلة الأنتقال عندنا و أننا عايشين في حروب !! و و … الخ دي واحدة من ناس كتير عندها الفكرة دي عن مصر وفي كل مرة بتسأل الأسئلة كنت بستغرب أكتر عشان فيه بجد أسئلة متتقلش !!
يعني من الآخر الصورة بتاعتنا برة أننا كلنا كدة زي البدو كدة عايشين في الصحراء ودة مش كلام مني وخلاص بس دة بيبان في الأفلام بتاعتهم كمان ولو عايزين أسامي الأفلام دي هقولهالكم … !!
هو طبعا للأسف لو قارنا التطور التكنولوجي بتاعنا والتطور بتاع الدول الخارجية زي دول أوروبا وأمريكا وبعض دول الشرق الأقصى هنلاقي أننا بدو فعلا !!
يمكن طريقة تفكيرنا تختلف 180 درجة عن طريقة تفكير غير العرب وكالعادة بدل ما نستفاد من خبرتهم ونقلدهم بس طبعا في الحاجات الأيجابية اللي نقدر نستفاد منها في حياتنا ونفتح لنفسنا آفاق جديدة لتفكرينا للأسف العكس هو اللي هو بيحصل .. طبعا مش قصدي أن حياتهم ناخدها منهج لحياتنا عشان في حاجات كتير لا تتماشى مع ثقافتنا وديننا طبعا بس أنا بقول على طريقة التفكير وأحترام القوانين و و و … الخ وبرده مش قصدي أن كل الأجانب بيحترموا القوانين بس أنا بكلم كلام عام مش أكتر
بنسمع كتير ناس بتنادي بعدم تقليد الأجانب .. نيجي مثلا لأتفه حاجة وهو موضوع الجيل بنسمع كتييير جدا اللي بيقولوا أن الشباب بيقلدوا الأجانب في موضوع جيل الشعر .. مش عارف أصلا المفروض متكلمش في الموضوع دة لتفاهته بس على العموم فيها ايه لما الشباب يحطوا جيل في شعرهم !! ومين قال أصلا أن الأجانب بيحطوا جيل في شعرهم .. قليل جدا منهم اللي بيحطوه !! للأسف بنسيب كل حاجة وبنهتم بأتفه الحاجات !! أذا كان الشباب فاكر أنه كدة عمل تطور حتى ولو كان تافه فا مادام أنه مش تطور مؤذي ومش حرام فا يا ريت نبطل طريقة تفكيرنا المتأخرة شوية دي .. أتمنى أني أكون وصلتلكم اللي أنا عايزه عشان هو مش موضوع جيل بس طبعا والا مكنتش كتبت اللي فات دة عشان الجيل مش هو موضوعنا طبعا !!!
دة حتى أحنا لسة لغاية دلوقتي رابطين نفسنا بالفراعنة ! كل ما نعمل موضوع عن مصر أو تعريف ليها نجيب كل صور الأهرامات وشوية آثار كدة وجنبها كام جمل على كام واحد من البدو بيشتغلوا هناك وخلاص وأي واحد مصري يطلع برة نقول عليه دة الفرعون المصري أو بنسمع أسم الفرعون الصغير كتير !! مش عارف أمتى هنطلع من موضوع الفراعنة خلاص يا جماعة الفراعنة دول مش هنستفاد منهم في حاجة دلوقتي في حياتنا غير طبعا في السياحة أكيد .. بس خلاص بقى … ما علينا
هما حاجتين بس حطنها في دماغنا مصر ذكرت في القرآن الكريم وطبعا دي حاجة نفخر بيها ونبقى سعداء جداااااااا بيها و تاني حاجة أن أجدادنا الفراعنة !!
طاب وبعدين خلينا بقى فخورين بالحاجتين دول وخلاص وطبعا هتقولوا حرب أكتوبر و و و … هقول دي كانت زمان وراح زمنها خلاص أحنا في سنة 2007 !!
طبعا جميل أننا نبقى عندنا تاريخ عظيم نفتخر بيه بس أنه يكون لينا ماضي بلا حاضر أو مستقبل !! دي حاجة المفروض بجد نفكر فيها مليون مرة قبل ما نفتخر بماضينا !!
أظرف حاجة كمان أننا عندنا مبررات لكا حاجة سهل أننا لما نغلط نلوم غيرنا أو حتى نقول دي بلد متفتحش النفس على حاجة فا عادي أو حتى نقول العيب في الحكومة أو نلوم أي حاجة زي كدة في رمضان لما بنسمع جملة يا عم الواحد صايم ومش ناقص تحس أن الواحد بيتعذب وهو صايم بس هو بيبقى المبرر للعصبية أو أي حاجة عشان سهل جدا الواحد يرمي مبررات … طبعا أنا مبقولش أن البيئة المحيطة وكل حاجة ملهاش تأثير علينا في حياتنا بالعكس ليها تأثير كبير بس برده ربنا أدانا عقل عشان نفكر بيه واللي عايز يوصل لحاجة أكييد أن شاء الله هيوصلها دة لو عنده عقل بيفكر ! دة طبعا بجانب النية والعزيمة و و … الخ
دلوقتي زي ما كلنا عارفيين في فجوة كبيرة بينا وبين الدول الأجنبية في التقدم مع أننا كنا سابقينهم بس لكل مجتهد نصيب !! يا ترى هنقدر نحصلهم ؟ يا ترى الفجوة دي هنقدر نقلص مساحتها ؟ الأجابة على السؤال دة صعبة جدا عشان لو فضلنا بنظامنا دة وطريقة تفكرينا يبقى عوضنا على الله !!
طاب خلينا في حاجة تانية … موضوع حياتنا وأفعالنا وصفاتنا
من خلال تعاملاتنا مع الناس أكييد بنقابل ناس بمختلف المراحل العمرية وكمان بمختلف الأنواع والأجناس .. الخ المفروض اللي يحصل أن الواحد يعامل اللي أكبر منه بكل أحترام وتقدير .. والأصغر بعطف وحنية .. وأكيد بيختلف طريقة التعامل بأختلاف النوع بمعنى طريقة معاملة ولد وبنت أو ولد وولد أو العكس طبعا مش محتاج برده أتكلم في الطريقة عشان كلنا عارفين الطريقة الصحيحة بس في منا مش عايزين يستخدموها .. مش عارف ليه بجد بس دة اللي بيحصل … بالذات في التعامل ما بين ولد وبنت متهيألي مافيش حد بيتعامل بالمبادئ المعروفة واللي المفروض نتخذها في التعامل .. واللي أبسطها مبدأ
" Ladies First "
بجد أنا بعتبره أبسط مبدأ من مبادئ التعامل مع البنات يعني كفاية الأبتسامة أو حتى كلمة الشكر اللي هتحصل عليها لو مشيت بالمبدأ دة !! وأكيد أنت هتحس بسعادة مع دة أو على الأقل دة اللي أنا بحسه " دة للأولاد طبعا مش البنات " !!! أما بقى تعامل البنت مع الولد العكس يعني مش عارف في بنات كتير بحس أنهم عشان يبانوا بشخصية قوية بيبقوا زي الولاد في تعاملهم بس يعني دة طبعا الأقلية في البنات اللي بيحصل معاهم دة !! نغير الموضوع بقى !!
ايه اللي هيحصل لو كل واحد كدة سأل اللي يعرفهم على صفاته السيئة وحاول يغيرها وميزعلش من الصراحة عشان يقدر يغير نفسه فعلا ؟! … عشان مفيش حد حيقول أنا عارف أن عندي صفات مش كويسة وهي " كذا , كذا , كذا …. لأنك مش عايز الصفة دي تبقى فيك فا عمرك ما هتعترف أنها فيك أما غيرك أكيد هيبقى أكتر واحد يكون عارف صفاتك الكويسة والعكس تخيلوا كدة كل واحد فينا جاب ورقة وقلم وسأل صحابه أو أي حد من اللي يعرفوه كويس مثلا على صفاته الوحشة وكتبها في الورقة دي ويحاول كدة يفكر فيها ويصلح من نفسه .. في ناس هتستغرب من الطريقة بس أنا بقول أنها مجرد محاولة لتحسين حياتنا
ممكن كمان تقولوا علية مجنون بس عادي عادي 😀
كل اللي نفسي فيه بجد أننا نعيش في هدوء كل واحد يبقى حاسس بالتاني وبيحب التاني مش هقول عشان ميحصلش مشاكل بس بقول كدة عشان نقدر نحل مشاكلنا بسرعة ومتخدش وقت بحيث أننا نهيأ نفسنا للتفكير السليم بهدوء في طرق لتطوير أنفسنا
لما نبقى كلنا ناس متحضرين متطورين !! أكييد هنفتخر بنفسنا أحسن ما نفتخر بالفراعنة !!
نصيحة كدة على الماشي .. كل واحد يقعد مع نفسه ويفكر كدة في مسار حياته لو عجبك مسار حياتك يبقى تمام بس طوره على قد ما تقدر ولو مش عاجبك يبقى تاخد قرارات وتبقى قدها وتنفذها … في حاجة دايما هتخليك أحسن وهي المحاولة للوصول للكمال … " المحاولة " لأن الكمال لله سبحانه وتعالى بس لو طول حياتك قعدت تحاول أنك توصل للكمال متهيألي حياتك هتبقى أحسن بكتير
وكمان عندي نصيحة للي بيحب يساعد الناس وأنا بقولها لنفسي كمان لما تيجي تساعد حد بدل ما تساعده بطريقة مباشرة بمعنى أنه تكون الفائدة اللي هيحصل عليها هي النتيجة النهائية من الطلب أو بمعنى تاني …
" بدل متيديله السمكة أديلوا الصنارة وعلمه الصيد عشان يجيب بنفسه سمك مش سمكة "
بكدة هيتفتح قدامه أبواب تانية يقدر يساعد نفسه بعد كدة وهيساعد غيره كمان …… الخ
بمعنى أني حعلم واحد صاحبي حاجة من البداية فا ممكن واحد يطلب منه نفس الحاجة أو حتى لو قريبة منها فا هيعلمه اللي علمتهوله وصاحبه هيعلملها لصاحبه وكدة … الخ
طبعا مش هكلم عن الأخلاق واللباقة والطريقة المثلى للحياة والأتيكيت و و و .. الخ
عشان كل واحد بيحددها بنفسه مش هقدر أغير تفكير أنسان بس هيبقى ليهم موضوع تاني عشان ليهم كلام كتير جدا عندي
وفي نهاية الموضوع أتمنى أني قدرت أوصلكم كلامة بطريقة بسيطة وطبعا لو مختلف معايا في كلامي أنا مستنى ردك
" الأختلاف في الرأي لا يفسد في الود قضية "
بالعكس الآراء هتفتحلي مواضيع تانية هقدر أكلم فيها وأكييد أنا كمان هستفاد من كدة
وكمان أنا بحضر موضوع عن مصر هيبقى بكذا لغة ان شاء الله
فا يا ريت لو عندك صور جميلة لمصر هبقى سعيد لو بعتهالي ويا ريت متبقاش صور لآثار مصر بس 😀
في مصر أماكن راقية وجميلة هتبقى أن شاء الله لذيذة بجانب الآثار !!
HaVe a GreaT LiFe
URs :
ThE LeGeNd
HeeY all
first i want you to search on your mind and ofcourse your heart the meaning of this word ( LoVe ) and if you fault in love before after that i wanna tell you somethings about love , love is life and i think that know one of us can live without love , or what do you think ??! cause love is like air and water it’s a main thing to us in our life so if you love someone do everything to make him or her happy , but there is a point i love to share with you that why when we talk about love we talked about love between a boy & a girl , where is the family’s love 
?! i think that is a strange thing , anyway i hope that i’ll be in love soon 
and meet my second half ^_^ hehehe i’m waiting for yooooooou 
so everyone get up and search for your better half hehehehe don’t be late 
i hope that everyone tell me what is tha meaning of love to him or her
HoPe ThE BesT FoR YoU
URs :
-<{ ThE LeGeNd }>-
LoVe Is LiKe NoKiA CoNNecTinG PeoPle !
LoVe Is LiKe NiKe JuSt Do It !
LoVe Is LiKe PePsI AsK FOR MoRe !
LoVe Is LiKe SaMsUnG EveR
–<{ LoVe Is LiFe }>-
This Is Your Computer Information 
 | Mr WordPress on Hello world! |
| ayoty on El-Tatawor El-Tabe3y Lel-Hayah |
| MoHaMeD on Most Beauty actress and s… |
| hanif on Most Beauty actress and s… |
| MoHaMeD on Most Beauty actress and s… |
!i!i!i!i!i!i 